Taldeen ebaluaketa

Gainontzeko taldeak ebaluatzeko, talde bakoitzaren hausnarketa bat egin ordez, guztien hausnarketa orokor bat egingo dut non azalduko ditudan jorratu diren alderdi ezberdinak. Honetaz gain, taula bat sortu dut ebaluazio irizpide ezberdinekin eta bakoitzari egokitutako nota jarriko diot.

Ebaluazio irizpideak:

1: Ez dute aurkezpen argi bat egin, azalpenak ulergaitzak izan dira eta egin beharreko lana ez zegoen eginda.

2: Egin beharreko lana eginda dago, baina informazioa faltan izan dugu. Aurkezpena kili-kolo egon da.

3. Lana aurrera atera da, baina aurkezpena ez da oso argia izan.

4: Jorratutako gaia landuta egon da, informazioa ondo iritzi da entzuleengana. Aurkezpena argia izan da.

5: Informazioa eta gaia oso landuta egon da, gaia ondo transmititzeaz gain, aurkezpenari originaltasun kutsua eman diote.

TALDEA	1	2	3	4	5
Dokumentatzaileak: Mikel Artaraz, Elene Arrieta, Josu Artetxe eta Eneko Aretxabaleta					X
Ander Gastesi, Xabier Ibarrondo, Ane Goienetxe eta Josu Hernaez				X
Jon Larramendi, Agueda Larrazabal, Aimar Legorburu eta Alazne Lopez					X
Aitziber Luperena, Hilargi Macho, Izaro Maguregi eta Marina Mardones					X
Dokumentatzaileak: Peio Capdeville, Edurne Bueso, Loiola Canales eta Irati Caballero					X
Amaia Santamaria, Gorka Santamaria, Naia Zubiarrain eta Andrea Seco				X
Eider Martinez, Iñaki Tavera, Tatiana Terron eta Junkal Susperregi				X
Unai Valtierra, German Vazquez, Nerea Velasco eta Cristina Yelamos				X
Amets Zarraga, Xabier Zarraga, Iraitz Zarraga eta Leire Zabala					X
Dokumentatzaileak: Maider Bilbao, Alazne Bajo, Xabier Bilbao eta Maite Barriuso					X
Natalia Monroy, Ane Monzon, Gonzalo Morales eta Nerea Olivier					X
Jon Martija, Unai Martin, Naia Martinez eta Maria Menoyo				X
Itziar Ortega, Ekai Prieto, Eloie Palazuelos eta Josu Perez				X
Aila Salcede, Haizea Ruiz, Ziortza Sagasti eta Olaia Sanchez				X
Eider Reta, Markel Rios, Mikel Rodriguez eta Itziar Rodriguez.				X
Dokumentatzaileak: Larraitz Aldazabal, Aitor Aburto, Iraia Alvarez eta Ane Alegria				X
Maitane Garcia, Mikene Ferreiro, Ekaitz Garcia eta Aitor Etxeandia					X
Garazi Cortes, Mireia Cobos, Leire De Prado eta Maria De Jesus				X
Ester Diego, Maider Diez, Gontzal Diez eta Miren Eeles				X
Jon Garcia, Aingeru Garcia, Dani Linero, Unai Garcia, Nerea Garcia eta Aitziber Molinuevo				X
Joane Elorriaga, Lara Estrella, Asier Egiguren eta					X

Azkenik, guztiaren hausnarketa egitera pasako naiz. Aipatu beharra daukat talde batzuek besteek baino denbora gehiago izan dutela lana prestatzeko, beraz, lanak osoagoak izan dira, prestatuagoak eta originalagoak. Hori dela eta, horietako talde askok nota hobeagoa dute, aurkezpenak originalagoak izan dira. Hala ere, talde guztiek lan handia egin dute. Lanen gaiak ezberdinak izan dira, nahiz eta guztiak IKT-en inguruan izan. Beraz, honek interesgarria izatea eragin du. Bestalde, aurkezpenak haien artean ezberdinak izan dira eta honek dinamikotasuna sortu du. Talde batzuk powtoon programa erabili dute, lan originalenak iruditu zaizkidanak, asko gustatu zait. Honetaz gain, bideoak egiteko ere movie maker programa erabili dute. Gainontzekoek prezi eta powerpoint-a erabili dute. Hala ere, guztiak interesgarriak izan dira eta asko ikasi dut aurkezpen guztiekin.

Taldeko koebaluaketa

Taldearen ebaluaketarekin jarraitzeko, aipatu beharra daukat talde moduan ondo ibili garela eta elkarlana izan dugula helburutzat. Bigarren astean aurkeztu behar izan dugu lana eta ez dugu denbora nahikorik izan aurkezpen polit bat prestatzeko, nahiz eta lana teorikoki ondo landu dugun.

Ez genekien aurkezteko bideoak egin ahal zirenik eta irizpideetan jartzen zuena jarraitu dugu. Lanaren aurkezpena powerpoint baten bitartez egin eta azalpenak ahoz egin ditugu. Orokorrean, aurkezpena ondo atera zaigu, ulergarria eta argia izan da eta ez ditugu arazo teknikorik izan. Hala ere, jada aipatu dudan moduan denbora gehiago izan bagenu eta beste metodo batzuk erabili ahal zirela jakin izan bagenu, beste gauza batean pentsatuko genukeen (powtoon...). Beharbada, aurkezpenean ez da ikusi egindako lan osoa.

Aurkezpena alde batera utziz, lan teorikoan finkatuko naiz. Lan hau egiteko bakarka irakurri ditugu testuak eta ondoren binaka bi laburpen ezberdin egin ditugu, azkenik, bi laburpenak batu ditugu bakarra osatuz, era honetan, laburpenak guztion ideiak barne hartzen ditu. Prozesu hau egitean, elkarlanean beti ibili gara, elkarri lagunduz, gomendioak emanez eta batez ere errespetuz jokatu dugu beti.

Azkenik, esan beharra daukat talde bezala ondo moldatu garela, guztion ideiak kontuan hartu ditugula, nahiz eta batzuetan desadostasunak egon diren, elkarrekin konpontzen saiatu gara. Hori dela eta, taldeari 9 bat jartzen diot.

Taldeko lanaren autoebaluaketa

Hasi baino lehen aipatu behar dut egokitu zaigun lana Web 2.0 izan dela eta honi buruz, gehiago jakitea oso interesgarria iruditu zaidala, nire aurreko ezagutzak osatu ahal izan ditudalako.

Lehendabizi, aipatu beharra daukat lan honetarako gogoz aritu naizela, nahiz eta hasiera batean galduta ibili. Hasteko, egokitutako hiru testuak irakurri eta hauen ideia nagusiak azpimarratu nituen. Testua amaitzean, orri batean eskema bat egin nuen ideia nagusiekin. Irakurritako hiru testuak oso interesgarriak iruditu zitzaizkidan, gaurko errealitatea zuzen-zuzenean erakusten dutelako. Hala ere, hauen gaiak nahiko antzekoak zirenez, momentu batzuk astunak izan ziren. Ondoren, egokitutako bideoa ikusi nuen, interneteko historia kontatzen ziguna. Bideoarekin ez dut testuekin dudan iritzi bera, ikusi nuenean ez nuen oso ondo ulertu, hitz tekniko ugari erabiltzen zituelako. Gainera, kontatzen zuena Web 2.0 gaiarekin ez diot lotura zuzena ikusi. Honen ostean, taldean bildu ondoren, lana banatu genuen eta egokitu zitzaidana gogoz egin nuen.

Bestalde, aurkezpenean egindakoa ebaluatuko dut. Aurkezpena talde moduan ondoren azalduko dut eta nire lanean zentratuz, pentsatzen dut nire aurkezpena argia izan dela eta ondo azalduta egon dela. Hala ere, ziurtasun falta sumatu dut eta beste batzuetan baino urduriago sentitu naiz.

Taldean lanean gogor ibili naizela pentsatzen dut eta taldeari hainbat ekarpen egin dizkiodala. Lantaldean hasiera batetik nire ideiak eta proposamenak adierazi ditut. Nahiz eta ideia batzuk onartu diren eta beste batzuk ez, beti kontuan hartu dira, gainontzekoen ideiak bezala. Ideiak alde batera utzita, lantaldeari beste ekarpen batzuk ere egin dizkiodala pentsatzen dut, hala nola, taldekideengandik iniziatiba falta sumatu dudanean lan egiteko gogoa pizten saiatu naiz eta beti gure arteko arazoak konpontzen saiatu. Aipatu dudan moduan, nire kideengandik iniziatiba falta ikusi dut eta hainbat momentutan taldearen gainean egon behar izan naizela sentitu dut, dena azken momenturako ez uzteko. Hala ere, ondo egin dudala pentsatzen dut.

Azkenik, esan beharra daukat nire buruari 9 bat ematen diodala egin beharreko lana gogoz egin dudalako, elkarlanean aritu naizelako, laguntza eskeini dudalako eta nire interesa beti ehuneko ehunean egon delako. Hala ere, lana guztiz eginda ez zegoela ikusi dudan momentuetan urduri jarri naiz eta nire taldekideek zituzten lan egiteko ohiturekin ez dut bat egin, hala ere, taldean lan egiten denean horrelako arazoak daudela pentsatzen dut.

Taldeko akta - teoria

Jarraian taldean nola egin dugun lan eta nola antolatu garen aipatuko dut.

Hasiera batean, egokitutako bideo eta testuak ikusita, guztiok testu guztiak irakurtzea eta bideoa ikustea erabaki genuen. Era honetan, guztiok gaiari buruz informazio bera jaso dugu. Dena irakurri ondoren, drive plataforma erabiltzea adostu dugu bertan laburpena, hitz gakoak eta erronkak ipintzeko. Drive plataforma oso erosoa da talde-lanak egiteko, guztiok batera testuak sortu ditzakegulako, informazioa erantsi, ezabatu, moldatu... Beraz, bertan egitea erabaki dugu.

Binaka hiru testuen eta bideoaren laburpen bat sortu dugu, hau da, bi laburpen ezberdin sortu ditugu. Laburpenetan zeintzuk ziren antzekotasunak eta desberdintasunak ikusi ditugu, era honetan, laburpen osoago bat sortu dugu, guztion ideiak eta iritzia kontuan hartuz. Binaka egindako laburpenak drivaren bitartez egin ditugu eta ondoren, unibertsitatean batu egin gara talde osoa bi laburpenak batzera, hitz gakoak ateratzera eta erronka nagusiak aipatzera.

Azkenik, aurkezpena prestatzeari ekin diogu. Beste behin elkartu gara unibertsitatea azken fase hau egitera. Guztiok elkartu eta drive-ren bitartez powerpointa egin dugu. Drive-ko aurkezpen programa erabili dugu, azkarrago egiteko. Beraz, testuak banatu eta nork berari egokitutako atala egin du, baina guztiok gure iritzia emanez, aurkezpena ahalik eta hoberen egoteko eta guztien kutsu propioa emateko.

Argazkiaren iturria: http://imagenes.es.sftcdn.net/es/scrn/3341000/3341968/google-drive-02-535x535.png

WEB 2.0

LABURPENA:

Gaur egungo gizartean, teknologia berriak gure bizitzaren esparru guztietara hedatu dira. Internet, adibidez, informazio iturri huts bat izatetik jendeen arteko interakzioak eta harremanak sustatzen dituen tresna izatera igaro da.

Gizartea aldatzen eta bilakatzen den moduan, teknologia, web orriak eta abarrek garapen eta bilakaera bat dute. Honekin lotuta 2.0 kontzeptua aurkitzen dugu, programa baten bertsia definitzen duena. Hau internetetik dator, izan ere, Tim O’Reillyk “web 2.0”-ren definizioa eman zuen. Web 2.0 lehen eraldaketa teknologikoa da.

Web horri garaikide askok, etengabe berritzen dituzte haien edukiak, eta interneteko erabiltzaileei webaren kudeaketan parte hartzeko aukera eskaintzen die (Web 2.0), horrela, erabiltzailearen jarrera aldatzen (ikusle izatetik, parte-hartzaile izatera). Aurretik esandakoari erreparatuz, hezitzaileek konturatu dira teknologia berriak hezkuntzarako oso tresna baliogarriak izan ahal direla, eta haietaz baliatu dira hezkuntza 2.0 bat eraikitzen joateko.

Eskolan IKTak erabiltzeko plan ugari egin dira eta baliabide informatikoak ia eskola guztietara hedatu dira. Hala ere, interneten erabilera ez da oraindik hainbestekoa. Sarea komunikazioa lantzeko eta partekatzeko tresna aproposa da. Horretarako, lehen urratsa hezitzaileei Interneten trebatzeko aukera praktikoak ematea da.

Web 2.0 hezkuntza alorrerako oso erabilgarria da. Ikasleak teknologietara hurbiltzeko era dibertigarria, sinplea eta eraginkorra da. Gainera, hizkuntza idatzia, komunikazio ahalmena, analisi zein kritikarako gaitasuna, ikaskideen arteko erlazioa, ikasle-irakasle elkar-ekintza eta abar hobetzeko egokia da.

Tresna eta dinamika berri ugari sortzen ari dira etengabe. Honako hauek dira adibide batzuk: blogak (ikasleen arteko komunikazioa, baita irakaslearekin ere bultzatzeko, komunikazioa ahalbidetu, ikerketak eta esperientziak trukatzeko, ariketa sortzaileak asmatzeko…), jarioak (informazioetara harpidetzeko, gertakarien alertak jasotzeko…), wikiak (informazio bilatzeko, sortzeko edota eraldatzeko, taldeko lanak egiteko…) eta sare sozialak (ezagutza eta informazioa trukatzeko, ezagutzak hobetzeko eta zabaltzeko…).

IKTero irakasle taldea Web 2.0 erabilpenaren berri eman dute. IKTeroek IKT plana diseinatu, ezarri eta dinamizatu dute haurrak txikitatik digitalki alfabetatuak izateko. Izan ere, umeak txikitatik tresna horietara ohituz gero, etorkizunean izugarrizko maila izango dute. Bitartean, irakaslearen papera ere aldatu egin da, orain bitartekari eta prozesuaren gidaria da, horrela autonomia sustatuz.

IKTeroei ikastoletan  euskara 2.0 ere daukagu. IKTero batek adibidez (Maite Goñi), Euskara ikasgaia lantzeko hamaika baliabide sortu eta guztion eskura jarri ditu. Izan ere, euskarak teknologiak ere behar ditu, era honetan, euskara munduratzeko. Euskarazko tresna propioak garatu eta batez ere erabili behar ditugu. Euskara globalizatzeko bere erronka nagusia teknologikoa izan behar da.

Nahiz eta internetek onura ugari ekarri, bere alde iluna ere izan dezake. Internetek hainbat arrisku ekartzen ditu, adin txikikoei bereziki. Horrek, gurasoengan interneta hezkuntzan erabiltzeren aurkako iritzia piztu dezake. Izan ere,  interneta erabiltzeak hainbat arrisku ditu, familiengan kezkak sortaraziz.

Arrisku horien artean edukien inguruko arriskuak ditugu: legez kontrakoak (haur pornografia), kaltegarriak (arrazaren araberako iritziak) eta gezurrezkoak (asmo onak ez dituzten pertsonekin kontaktuan jarri). Merkataritza elektronikoaren inguruko arriskuak  ere daude, baita lege alderdiarekin zerikusia duten arriskuak ere (norbait arriskuan jarri  bere datu pertsonalak kaleratuz…). 

Honen aurrean, eskolak zerbait egin beharko luke, adibidez: Interneten inguruko interesa adierazi eta honen erabileraren eztabaidak sortu, Interneteko segurtasunaren gaia curriculumean txertatu, eskoletan sarea arduraz erabiltzen irakatsi, iragazteko eta monitorizatzeko programak erabili, eta ikasleak izan ditzaketen arriskuetatik babestea ahalbidetzen duen eskola politika ezarri.

IEPen helburua ikastetxeetan internet segurtasunez eta arduraz erabiltzea da, eta ikasleak sareak izan ditzakeen arriskuetatik babestea. Printzipio orokor batzuk ditu: internet hezkuntza erabilera bat izatea, teknologia berrien arriskuak ebaluatzea, erantzukizuna guztiena dela ezagutzea eta erabilera arautzea. IEPak estrategia batzuk erabiltzen ditu eta ikastetxe bakoitzak bere errealitatera egokitzen ditu. Irakasleak arriskuen jakinaren gainean egon behar dute. 

Hezkuntza hobetzeko interneteko sarbide ikasleentzako diseinatu egon behar da eta adinari egokitua. Arau batzuk izan behar ditu erabilera egokirako. Internet era egokian erabiltzeko, irakasleek prestakuntza jaso behar dute, ikasleei  jarrera kritikoa lantzen lagundu eta jabetza intelektuala errespetatzen irakatsi dieten. Ikasleek arriskuak ezagutu behar dituzte eta horiek saihesteko moduak bilatu. Irakasleek ikasleak jakinarazi behar dituzte interneten egin dezaketena eta ezin dezaketena egin. Posta elektronikoari dagokionez arau batzuk ezarri eta sarera argazkiak igotzea oso zainduta egon beharko luke. Foroei dagokionez, eskolak bakarrik baimendutako foroetak sartu ahal dira eta beti ere irakaslearen aurrean. Irakasleez gain, gurasoek ere parte hartuko dute euren baimena emanez eta haurrak etxean egiten dutena kontrolatuz. Izan ere, zenbat eta pertsona gehiago parte hartu prozesuan, emaitzak hobeagoak izango dira.

HITZ GAKOAK:

• Teknologia berriak
• Digitalki alfabetatzea
• Hezkuntza 2.0
• Interneteko arriskuak
• Elkar ekintza, parte hartzea
• Eraberritzea

ERRONKAK:

• Umeak txikitatik teknologia berrietara ohitu behar ditugu, hauek modu seguru eta eraginkor batean erabiltzen irakatsiz, etorkizun batean teknologiak erabiltzeko erraztasuna izateko.
• Ikasleak teknologiaren mundu berri hau ezagutzeko prosezuan, irakasleez gain, gurasoek baita ere oso papera garrantzitsua dute. Arriskuen aurrean, guztiok parte hartu behar dugu, erabilera egokia sustatzen.
• Teknologia berriek eskeintzen dizkiguten tresnak erabiltzea eta sortzea ikasleen hainbat gaitasun pizteko eta garatzeko (komunikazioa, sormena, autonomia, elkar-ekintza, interakzioa…).

IRUDIA:

                  

Argazkiaren iturria: http://www.nissigroup.com.ar/sites/default/files/images/content/web_2.0.jpg

http://i2.wp.com/bitelia.com/files/2013/11/usos-para-un-ordenador-viejo.jpg?resize=800%2C533

Apunteak eta hausnarketa

Hausnarketa:

Testuak irakurri eta bideoa ikusi dudan bitartean apunteak hartu ditut, hausnarketaren aurrean ikusgai ditugunak. Apunte hauetan, testu zein bideoaren ideia nagusiak eta interesgarrienak aipatu ditut.

Testuak oso interesgarriak iruditu zaizkit gaurko errealitatea isladatzen dutelako. Hiru testu hauek interneten erabilerak ekartzen dituen onurei buruz hitz egiten digute, hala ere, horietako batek bereziki internet-ek ekar ditzakeen arriskuetan sakontzen du. 

Testu hauek hausnartzera eraman naute gaurko eskolaren errealitatearen inguruan. Gaurko eskoletan nahiz eta teknologia berriak dauden, ez dira behar bezain beste erabiltzen. Hauek liburuekin egiten dugun berdina egiteko erabiltzen dira, beraz, ez dira aprobetxatzen. Internet-ek benetan onuragarriak diren programa batzuk eskeintzen ditu hezkuntzarako eta honen erabilera sustatu behar da (blog, wikiak...).

Gaur egungo eskolako errealitatea erakusteko asmoz, nire esperientziaren adibidea emango dut. Practicumean egon naizen bitartean, nire gelako ikasleek teknologia berriak erabiltzen zituzten. Interneta soilik informazioa bilatzeko erabiltzen zuten eta lan taldeak egiteko powerpoint-a erabiltzen zuten. Honek erakusten dit internet-a soilik informazio iturri bezala erabiltzen dela. Beraz, hau aldatu beharra dago eta benetako erabilera sustatu.

Eskolek teknologia berriak erabili behar dituzte parte hartzea, elkar ekintza, komunikazioa eta abar sustatzeko. Ikasleak tresna hauen aurrean motibatuta sentitzen dira eta hau aprobetxatu beharra dagoela pentsatzen dut.

Azkenik, ikusitako bideoari buruz hitz egingo dut. Honetan ordenagailu eta interneten historioa kontatzen da. Gainontzeko testuekin ez diot lotura handia ikusi. Hala ere, bideoak erakusten digu ordenagailuek izugarrizko aldaketak izan dutela sortu zirenetik eta gertaera hauek gure bizitza aldatu dutela, errezagoa eginez.